STATUTI I SHOQATATES SE KOMUNITETIT SHQIPTAR TË PADOVËS E PROVINCËS

 Titulli I

Neni 1.                  Krijohet  SHOQATA E KOMUNITETIT SHQIPTAR TË PROVINCËS SË Padovës. Në aktivitet e saj Shoqata përdor himnin dhe flamurin shqiptar.

Neni 2.                  Shoqata nuk ka qëllim fitimi, është jopartiake, me zgjatje të pakufizuar në kohë, ajo është e pavarur dhe bazohet mbi patriotizmin, vlerat më të mira të identitetit kombëtar, solidaritetit dhe bashkëpunimit reciprok.

Neni 3.                  Shoqata krijohet për të realizuar qëllimet e mëposhtëme:

A.     Të përhapë Kulturën Shqiptare, të nxisë studime dhe shkëmbime kulturore nëpërmjet aktiviteteve të ndryshme.

B.     Të ndihmojë në njohjen edhe bashkëpunimin midis shqiptarëve.

C.     Të lehtësojë integrimin e tyre në jetën shoqërore në Padova e më tej, duke ruajtur traditat dhe vlerat më të mira Shqiptare.

D.     Të koordinojë në mënyrë demokratike veprimet e të gjithë shqiptarëve për të mbrojtur sa më mirë interesat e tyre duke u bërë një bashkëbiseduese efikase me të gjitha institucionet dhe Shoqatat homologe në Padova.

E.      Të informojë mbi të drejtat dhe detyrat e shqiptarëve në territorin italian.

Neni 4.                  Për të realizuar  qëllimet e saj Shoqata përdor mjete të ndryshme të cilat përcaktohen në Rregulloren e saj të Brendëshme (pregatitur nga një grup pune, aprovuar nga Asambleja).                                              

Titulli II

Neni 5.                  Anëtarë të Shoqatës mund të jenë të gjithë ata persona që janë të interesuar për realizimin e qëllimeve të saj duke pranuar Idealet dhe Statutin e Shoqatës. Antarët ndahen në dy kategori.

A.     Anëtarë të zakonshëm, janë të gjithë ata persona të caktuar më lart.

B.     Anëtarë nderi, persona që janë shquar për veprimtarinë e tyre në dobi të shqiptarëve dhe Çështjes Shqiptare.

Neni 6.                  Antarësimi i anëtarëve të zakonshëm në Shoqatë bëhet me shkrim.

·        Kuota e antarësimit përcaktohet nga Asambleja.

Neni 7.                  Çdo anëtar i Shoqatës ka të Drejtat dhe Detyrat.

·        Ka të Drejtë të zgjedhë organet drejtuese e të zgjidhet në to.

·        Ka të Drejtën Themelore të informazionit dhe kontrollit mbi çdo veprim e aktivitet të Shoqatës si dhe mbi çdo aktivitet e veprim të individëve kryer në emër të Shoqatës.

Neni 8.                  Çdo anëtar mund të kontribuojë  me vullnet të lirë me mjete financiare në realizimin  e aktiviteteve të Shoqatës.

Neni 9.                  Çdo anëtar është i detyruar të respektojë normat e Statutit dhe Rregullores së Brendëshme të Shoqatës.

                     Në raste sjelljesh:

·        Që bien në kundërshtim me qëllimet e Shoqatës, normat e Statutit dhe të Rregullores së Brendëshme të saj.

·        Që dëmtojnë funksionimin e mirë dhe imazhin e Shoqatës.

Asambleja ka të drejtë të aplikojë masat disiplinore të përcaktuara në Rregulloren e                      Brendëshme të Shoqatës.

Neni 10.              Dorëheqja e çdo anëtari bëhet me shkrim.

Titulli III

Neni 11.              Organet e Shoqatës janë:

A.      Asambleja.

B.      Këshilli Drejtues.

C.      Kryetari.

Neni 11/1.        Asambleja është organ sovran, ajo përbëhet nga të gjithë anëtarët e Shoqatës.

Asambleja mblidhet:

·        Për probleme të zakonëshme sipas një kalendari të përcaktuar në Rregulloren e Brendëshme.

·        Për probleme të jashtëzakonëshme me iniciativën e Kryetarit, Këshillit Drejtues ose 10% të numrit të anëtarëve të saj.

Mbledhja e Asamblesë është e vlefshme në prani të 50%+1 të anëtarëve të saj. Vendimet e marra janë të vlefshme kur aprovohen nga shumica e anëtarëve të pranishëm.

·        Për modifikimin e Statutit mbledhja e Asamblesë konsiderohet e vlefshme në prani të 3 / 4  të anëtarëve të Asamblesë. Vendimet e marra duhet të aprovohen nga 2 / 3 e anëtarëve të pranishëm.

Neni 11/2.        Këshilli Drejtues është Organi Ekzekutiv i Shoqatës. Ai përbëhet nga 7 vetë që zgjidhen nga Asambleja në prani të 2 / 3 të antarëve. Vendimet janë të vlefshme me aprovimin e shumicës së anëtarëve të pranishëm.

Këshilli Drejtues zgjedh organet e veta:

·          Zv. Kryetar

·          Sekretar

Këshilli Drejtues zgjidhet nga Asambleja. Aktiviteti i Këshillit Drejtues disiplinohet nga Rregullorja e Brendëshme.

Neni 11/3.        Kryetari i Shoqatës zgjidhet nga Asambleja me votim të fshehtë në prani të 3 / 4 të anëtarëve, me aprovimin e shumicës (50%+1).

Kryetari është Përfaqësues Ligjor i Shoqatës.

Neni 11/4.        Zgjedhja e Këshillit Drejtues dhe  e Kryetarit bëhet një herë në vit.

Shkrirja legale e Shoqatës bëhet në prani të 3 / 4 të anëtarëve me aprovimin e shumicës (50%+1).

Titulli IV

Neni 12.              Konsiderohet pasuri e Shoqatës:

A.      kuotat e antarësimit

B.       të ardhurat nga aktivitete të ndryshme

C.      të mirat materiale që blihen nga Shoqata

D.      dhuratat nga ente publike dhe persona privatë, si dhe çdo lloj e ardhur tjetër.

Neni 13.              Shoqata duhet të mbajë një bilanc kontabël vjetor. Për çdo aktivitet të Shoqatës Këshilli Drejtues i paraqet Asamblesë llojin e aktivitetit, qëllimin dhe mënyrat e zhvilimit të tij, si dhe një preventiv sintetik mbi shpenzimet, me miratimin e Asamblesë zgjidh mënyrën e financimit dhe i paraqet asaj një bilanc të detajuar në fund të aktivitetit.

Neni 14.              Përsa nuk parashikohet në këtë Statut vlejnë ligjet përkatëse në fuqi.

Associazione Della Comunità Albanese di Padova e Provincia

C/O Parrocchia Della Natività 

Via Bronzetti, 10

35138 Padova

email: associaz.albanese@libero.it